Home > A Fundación Comillas > Coñece a Fundación
Coñece a Fundación
A Fundación Comillas é unha organización privada sen ánimo de lucro, creada en 2005. O seu obxectivo principal é a posta en marcha, desenvolvemento e xestión dun centro de excelencia dedicado á promoción e ensino especializado da lingua e a cultura hispánicas. Todo iso farase en colaboración cos poderes públicos, empresas privadas e outras entidades e institucións.
Obxectivos e funcións
O obxectivo xeral da Fundación Comillas é o de ofrecer unha formación de calidade que inclúa non só os aspectos puramente académicos senón tamén todas aquelas actividades complementarias que melloran o proceso de aprendizaxe.
A Fundación promoverá así mesmo a investigación en todos aqueles campos relacionados coa lingua. O fin primordial é o desenvolvemento dunha Comunidade de Creación de Coñecemento en español á que poidan sumarse institucións de prestixio nacional e internacional.
Entre as funcións principais da Fundación Comillas cabe citar:
- Formar e investigar en lingua e cultura hispánicas.
- Realizar foros, convencións e seminarios en español, de forma directa ou en colaboración con outros organismos e institucións.
- Aplicar as tecnoloxías da información e da comunicación ao ensino do español.
