Home > A Fundación Comillas > Situación e contorna > A vila de Comillas
Situación e contorna: A vila de Comillas
As actividades da Fundación desenvólvense na vila de Comillas.
Comillas é, sen ningunha dúbida, unha das localidades máis fermosas e coñecidas de Cantabria. Constitúe un magnífico conxunto arquitectónico enmarcado nunha contorna natural e paisaxística de excepción. Goza dunha privilexiada localización entre o Mar Cantábrico ―que a dota dunha fermosa praia― e os espectaculares Picos de Europa.
Durante a Idade Media Comillas posuía unha poboación exigua que vivía do seu pequeno porto pesqueiro e da súa actividade agrícola e gandeira. Tras varios avatares históricos, o seu dominio pronto caeu baixo o poder do Duque do Infantado, descendente dos Marqueses de Santillana. Coa súa axuda e aprobación, os veciños de Comillas puideron independizarse do porto de San Vicente de la Barquera, localidade próxima na que debían cargar e descargar calquera mercadoría que chegase ou saíse da vila.
A finais do século XIX, a historia da poboación dá un xiro importante, grazas ao ilustre personaxe D. Antonio López López. Tras regresar de Cuba enriquecido, funda grandes empresas, principalmente en Barcelona, Filipinas e Cuba. Comeza a realizar tamén importantes investimentos en Comillas. Debido ás súas achegas para a Guerra de Cuba, o Rei outórgalle o título de Marqués de Comillas.
Indiano regresado de Cuba, esta personaxe histórica aséntase en Barcelona, cásase cunha rica herdeira catalá e comeza a introducir na súa vila natal, Comillas, a importantes artistas cataláns preludio do modernismo. Estes artistas transforman completamente a vila ao introduciren varios estilos neomedievalistas: a súa arquitectura pintoresca é boa mostra do neogótico, o neoárabe e o neomudéxar. Un conxunto sobresaliente que destaca pola súa excepcional beleza.
En 1881 e 1882 o Marqués invita ao Rei Alfonso XII e á súa familia a pasar o verán na vila e se acondicionan catro casas familiares para a corte. Este feito provoca que a fama e prosperidade da vila aumenten notablemente debido a que gran cantidade de nobres e adiñeirados aséntanse na comarca.
O Marqués comeza a construír na leira de Sobrellano. Inícianse as obras coa Capela panteón, seguen co Pazo e ambas son concluídas trala súa morte.
O Marqués de Comillas crea a Universidade Pontificia, aínda que as rendas do proxecto levounas o segundo Marqués, o seu fillo Don Claudio. O edificio é pagado grazas á fortuna marquesal para que os xesuítas poidan dar clases a nenos de escasos recursos. Con posterioridade, Don Claudio ofrece a propiedade do seminario ao Papa León XIII, o cal outórgalle o título de «Pontificia». A finais do século XIX Comillas é un dos lugares, xunto con Santander, de maior prestixio estival do Cantábrico.
A día de hoxe, as praias de Comillas continúan atraendo ao turismo e fan desta localidade unha das poboacións costeiras máis atractivas do Cantábrico.
Para máis información sobre Comillas, visite a seguinte páxina web: www.comillas.es
