Home > A Fundación Comillas > Vida comunitaria
Vida comunitaria
A Fundación Comillas facilitará diferentes modalidades de aloxamento de forma que se adapte ás necesidades que cada tipo de público necesite.
Hoteis, hostais e casas rurais
A vila de Comillas dispón dunha importante rede de establecementos hoteleiros que ofrecen formas de aloxamento moi diversas. Conta con hostais económicos e confortables, así como con hoteis de calidade e con encanto. Tamén se poden atopar establecementos rurais en contornas paisaxísticas extraordinarias moi próximas ao campus. Todos eles farán da estadía en Comillas unha experiencia moi enriquecedora.
Aloxamento en familias
Para aquelas persoas que prefiran manter un contacto máis directo coa xente de Comillas, ofrécese a posibilidade de convivir nas casas dos veciños da vila, que integran ao estudante nos seus fogares e comparten con el o seu día a día. Desta forma, o estudante non só cubrirá as súas necesidades de aloxamento e manutención, senón que poderá compartir a cultura, as tradicións e a forma de vida de España, e máis concretamente, de Comillas.
Pisos e apartamentos compartidos
Se se prefire maior autonomía, existe unha ampla oferta de apartamentos que poden adaptarse a calquera perfil de estudante. Comillas é unha das poboacións turísticas máis importantes do norte de España e dispón de aloxamentos en aluguer totalmente equipados para facilitarlles a estadía a todos os estudantes que o precisen. Estes pisos e apartamentos poden alugarse de xeito individual ou ben poden compartirse con outros estudantes. É a opción ideal para quen busca o enriquecemento con outras culturas a través das relacións sociais con máis compañeiros. É outra fórmula para aloxarse en Comillas.
Máis información en http://www.comillas.es/alojamientos.asp
Na Fundación Comillas pódense levar a cabo unha gran variedade de actividades deportivas, culturais e sociais que complementan a actividade académica. Desta maneira, ofrécese unha experiencia global ao estudante durante todo o tempo que vaia permanecer en Comillas.
