Home > Servizos dirixidos a > Estudantes > Oferta cursos

Estudantes: Oferta cursos

A oferta de Cursos Xerais de Lingua e Cultura Hispánica da Fundación Comillas presenta seis niveis formativos en función do contido e os obxectivos. Desenvolverás progresivamente habilidades para falar, entender, escribir e ler en español.

O modelo de lingua para os nosos cursos é un modelo axustado á norma culta do español, sen perder de vista a variedade de manifestacións que o español ten no mundo.

Todos os niveis teñen os seguintes contidos:

• Lingüística (gramática, vocabulario, pronunciación, ortografía)
• Práctica discursiva (onde se recollen as estratexias para falar, comprender, escribir e ler en diferentes situacións)
• Referentes culturais (saberes e comportamentos) e sociais (habilidades e actitudes interculturais)

A partir do Nivel Limiar (B1), os contidos poden completarse con sesións específicas de cultura hispánica (Literatura, Arte, Gastronomía, Historia).

Os obxectivos dos niveis nos que se ofrecen os cursos de Lingua Española da Fundación Comillas correspóndense coas pautas lingüísticas e comunicativas establecidas no Marco Común Europeo de Referencia.

A oferta de Actividades Complementarias da Fundación Comillas permitirache poñer en práctica o aprendido en clase.

Polo que a estrutura dos cursos queda da seguinte maneira:

• Cursos Xerais de Lingua Española
  • Nivel Inicial (A1)
  • Nivel Básico (A2)
• Cursos Xerais de Lingua Española e Cultura Hispánica
  • Nivel Limiar (B1)
  • Nivel Avanzado (B2)
  • Nivel Superior (C1)
  • Nivel Perfeccionamento (C2)